الصـــــلاح
عزيزى الزائر / عزيزتى الزائرة ... سلام الرب يسوع معكم :- يرجى التكرم بتسجيل الدخول اذا كنت عضو معنا او التسجيل ان لم تكن عضو وترغب فى الانضمام الى أسرة المنتدى/ نتشرف بتسجيلك معنا


شاطر
استعرض الموضوع السابقاذهب الى الأسفلاستعرض الموضوع التالي
JESUS IS MY LORD
عضو جديد
عضو جديد

بتحلم تصلى ...!!

في الأحد نوفمبر 30, 2008 2:15 pm
بتحلم تصلى ..!!

د: ياسر يوسف غبريال - الهيئة القبطية الكندية



[ندعوك للتسجيل في المنتدى أو التعريف بنفسك لمعاينة هذه الصورة]


بتحلم تصلى

ما عندك البيت

ولا ركن فى الغيط

انت يا ابنى عبيط

مصر بقت مش ليك

ولا هى تلاكيك

تقول انا مصرى

وبتاع

شوفلك وطن يرضى بيك

ما الوطن اتباع

ويمكن متلاقيش

كفن يغطيك

++++++++++++++++++++++++++++

بتحلم تصلى

محتاج ترخيص

من جناب الرئيس

وتمحيص

من الكهربا

والمساحة

وتفحيص

من الاوقاف

والسياحة

وحبة تنطيط

وعجين الفلاحة

ومتنساش تظبيط

ام هاشم الدلالة

وحودة صاحب البقالة

وحمادة الفاشل

وشلة البطالة

لازمن يوافقوا الصراحة

وادينا سنتين راحة

عمار يا مصر

يا بلد السماحة

++++++++++++++++++++++++++++

بتحلم تصلى

ع المقدسة

الله ينيح نفسها

كانت كويسة

ماتت زى مصر

مفلسة

كانت بتحلم بكنيسة

جنب الدار

تروحها متسندة

ع الجدار

مشتاقة يا ولدى

وبعيد المشوار

هنوصل الكنيسة امتى

ما فات النهار

وماتت

لما مات الحلم

من طول الانتظار

++++++++++++++++++++++++++++

بتحلم تصلى آمن

وتكون مأمن

ع الست والولاد

طب ازاى

والشر كامن

فى قلوب البعاد

حى على الجهاد

هينصلح حال البلاد

بهدم الكنايس

على روس العباد

++++++++++++++++++++++++++++

بتحلم تصلى

وجرس ومنارة

وكنيسة فى حضن الحارة

ريحة بخور

وورد حوالين سور

وصورة لام النور

يا عم احلم على قدك

اللى يرحم جدك

كان بيصلى فى مغارة

وتقوللى قبة ومنارة
avatar
الإكليريكي/ مايكل وليم
عضو VIP
عضو VIP

رد: بتحلم تصلى ...!!

في الإثنين ديسمبر 01, 2008 8:45 pm
شكرا ليك اخى على هذه المشاركة
ربنا يبارك حياتك ويكللها بالمجد والكرامة الى الابد
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى