الصـــــلاح
عزيزى الزائر / عزيزتى الزائرة ... سلام الرب يسوع معكم :- يرجى التكرم بتسجيل الدخول اذا كنت عضو معنا او التسجيل ان لم تكن عضو وترغب فى الانضمام الى أسرة المنتدى/ نتشرف بتسجيلك معنا


شاطر
استعرض الموضوع السابقاذهب الى الأسفلاستعرض الموضوع التالي
avatar
وليم اسكندر ابراهيم
عضو VIP
عضو VIP

يارب علمنا ان نصلي

في الخميس يونيو 10, 2010 8:35 pm
ربى و حبيبى يسوع المسيح مخلصى الصالح أشكرك من أجل أحضانك المفتوحة دايما تدعو ك
كل نفس لتحضتنها و تقدم لها كل الحب و الحنان والعزاء الذى نحتاج إليه جميعا

من سواك يا يسوع يحنو علينا و يرفعنا من وسط الضيق و الضعف؟

من سواك يقدر بكلمة واحدة أن يبرأ الداء؟؟

من سواك يشبع النفس المحتاجة؟؟

من سواك له السلطان؟؟

أنت يا ضابط الكل محتاجين لك تضبط حواسنا & ألسنتنا & أفكارنا و كل أمور حياتنا

تعالى يا يسوع الأن و طهر نفوسنا من كل خطية

تعالى سود علينا من تانى عشان نثمر ثلاثين و ستين و مائة

بنصرخ أمامك شبعت نفوسنا هوانا و ذل من عبودية إبليس

يا رب بنعتذر و طالبين سلطانك أنت بس عشان أنت خالقنا و ملكنا

بنعتذر عشان احنا اللى فتحنا الباب للأهواء و الأفكار التى لا ترضى صلاحك

فتحنا الباب لهواجس إبليس و معقولاته الشريرة للأسف قدر يقنعنا أنه كل شبعنا و فرحنا فى العالم و فى ملذاته المهلكة

جايين نحتمى فى حضنك و نتطهر بدمك المسفوك على الصليب و نطلب سلطانك من جديد على كل حياتنا و على كل تفاصيلها

محدش غيرك يا يسوع بيحبنا محدش غيرك بيقبلنا بكل عيوبنا

بنشكرك من عمق القلب لأنك تعظم الصنيع معنا

نشكرك لآن وعودك ثابتة لا تزول

نشكرك لأنك تبحث عنا و لا تطمئن إلا إذا عدنا إلى حضنك من تانى

انت ابونا الحنين و اللى يدوقك هيعرف انه مفيش أحن منك

يا رب احنا أخطأنا عشان بنسيب الأب الطيب و نلجأ للإنسان الضعيف نعتمد عليه لكنه للأسف تخرج روحه فيعود إلى ترابه

ياما يا يسوع تسولنا للناس طالبين حب و حنان طالبين إهتمام طالبين نصيحة لكن للأسف بنخذل

بنسيب السخى فى العطاء و نلجأ للإنسان اللى مش عنده أى إمكانية

خلينا يا رب نرجع تانى توبنا إليك فنتوب صحح مفاهيمنا و أوقظنا قبل ما تفوت الفرصة و نندم

تعقلوا و أصحوا للصلوات

علمنا كيف نصلى من أجل أرواحنا من أجل النمو فى القامة الروحية و خلينا ننسى إهتمامات الجسد و عولان الهم و الخوف من المستقبل لآنك انت مدبر صالح لكل ذى جسد انت قلت لا تهتموا بما تأكلون و تشربون و لا تلبسون لآنك تهتم بالعصفور فكيف لا تهتم بنا نحن المخلوقين على صورتك و مثالك

فى اسمك القدوس نطلب من أجل كل مريض يا رب تحنن و أشفه

كل محتاج سدد إحتياجاته أكثر مما يطلب أو يفتكر

كل غريب اسنده و عضده فى غربته

فك قيود المسجونين و انصف كل مظلوم

كل يتيم أحتضنه بحنانك و حبك و عوضه يا حنون

فى أحضان القديسين كل الراقدين نيح نفوسهم

نسألك ان تعطنا أن نهتم بما هو باقى لأن الأشياء التى ترى وقتية أما التى لا ترى فهى أبدية

و احتياجاتنا الجسدية بين يديك أنت لامسها و عارفها و واثقين كل الثقة انك تسددها دون أن نطلب لآنك إله حنان و عندك الحكمة

اسمع اصواتنا جميعا يا ابانا و بارك دخولنا و خروجنا و بيوتنا و أسرنا و عملنا

اعطنا فهم و قدرة لنهرب إلى التمام من كل فكر و امر لا يرضى صلاحك

لك كل المجد و الكرامة من الأن و إلى الأبد أمين
اذكروني في صلواتكم
وليم اسكندر
[b]
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى